「啲司機明知過唔到都仲要攝過嚟，塞滿晒黃格仔同條馬路，就算綠燈都要捐車罅先過到，我哋傷健人士就惟有罰企，要等下一轉先有得過。」需以助步架輔助步行的區先生指，車輛常在天樂里與灣仔道交界路口行人過路處停車，等候右轉至軒尼詩道，令途人飽受不便，「有次仲畀個司機鬧番轉頭，好似係我唔啱咁！」

車輛於天樂里行人過路處停車等待右轉，行人需左穿右插方能通過。

警方發言人證實，由今年一月至今共接獲十二宗相關投訴，期間共發出二十張定額罰款告票。發言人又指一直關注灣仔區內交通違例事項，會按情況執法，以保持道路安全及交通暢順，平衡各道路使用者的權益。

區先生直指情況未有改善，人車爭路仍每日發生，認為警方有必要加強執法，早日根治問題，「早幾日先見到有架車爭啲車到人隻腳，警方可能要抄多啲牌，咁啲司機先會識得驚。」