喺區議會選舉之後，爆出青年新政亦有意參加立法會新界東補選，打亂晒泛民陣營原先決定由公文袋派人競逐議席嘅部署。據聞公文袋將派出有「男神」之稱嘅候任丹拿區議員「阿達」鄭達鴻，同埋秘書長賴仁彪今個星期同青年新政磋商談判，至於青年新政方面，就暫時未決定搵邊個出席，如果派出「女神」游蕙禎，相信呢場男神鬥女神嘅會面一定非常吸睛。

鄭達鴻（圖）將出面同青年新政溝通，唔知談判對手係唔係游蕙禎呢？

鄭達鴻將出面同青年新政溝通，唔知談判對手係唔係游蕙禎（圖）呢？

阿達尋日話新東補選係由該黨前立法會議員湯家驊辭職引發，所以該黨會爭取派人出選，至於青年新政要求初選，佢就話唔抗拒，但擔心初選會重蹈台灣總統大選嘅覆轍，即建制派有機會動員支持者令勝算唔高嘅候選人喺民調跑出。點解搵佢去傾？阿達話因為佢係青年公民主席，同青年新政可能較啱傾，講到有乜嘢招數同女神討價還價，阿達就話不便透露嘞！

第一手消息請下載on.cc東網iPhone/iPad/Android/Windows Phone Apps