政壇：黃之鋒又借河童「呃like」

學民思潮召集人黃之鋒尋日喺Facebook（fb）上載一張圖片，該圖係某校嘅通識科工作紙，佢話自己接受唔到圖中第十五條題目嘅描述，問題內容係「以『反國教』運動成名、貌似河童的少年學生運動領袖的名字是？」由於題目冇指名道姓，亦冇答案，更加冇引導學生作答，所以只係黃之鋒自己對號入座。其實黃之鋒過往多次喺fb以河童漫畫自我宣傳，去旅行時又同河童公仔合照，似乎早就接受自己貌似河童嘅現實，但今次見到通識科工作紙問題反而表現得好介懷，話佢唔係借機會「呃like」都無人信啦！