城中鏡：鄧聲興升呢做「好」爸
君陽證券CEO Kenny鄧聲興唔聲唔聲，原來已升呢做咗爸爸！恭喜晒！佢話「撞彩」生咗對Twins，仲要湊成「好」字，係家姐同細佬，Kenny話有咗呢對龍鳳B夠晒數，唔打算再追。
鄧聲興升呢做咗Daddy，先嚟介紹做家姐嘅大B（細圖），細B留番下次先出場。
鄧太喺上星期六開刀生BB，兩個B分別重4磅幾，母嬰平安，預計呢兩日就出院！Kenny話因為孖胎一定要開刀，所以搵定師傅擇吉時生。至於改名，佢就話未有頭緒，都會搵師傅幫手改，改完中文名先再配英文名。Kenny仲話有嘢未做，就係要諗吓點報答太太，事關佗B已經唔簡單，仲要一次過打孖佗，佢為報答太太會去歐洲旅行，不過依家怕危險會改去日本。佢仲話要好捨得咁放低對B先有得去玩。
