政壇：唔儲遊戲機 邱達根後悔
日前喺香港電競總會成立典禮暨電子遊戲競賽活動中，見到香港資訊科技聯會會長Duncan邱達根，講起童年打機時光，佢話細個時家人冇乜點限制佢玩遊戲機等娛樂，當中要數最經典嘅必玩遊戲一定係三國系列，可以話係大部分男仔都玩過嘅遊戲喎。
邱達根依家鍾意玩手機遊戲。
Duncan話唔少鍾意玩電玩嘅人都有儲落一啲懷舊遊戲機，包括任天堂紅白機，但佢就後悔以前唔識儲低，仲掉晒添，依家好多款機都已經買唔番，就算買到都唔及自己曾經玩過嗰啲咁有價值。但佢依家就鍾意玩手機遊戲，好似依家好興嘅怪物彈珠遊戲，假日仲會同小朋友一齊玩添！
