城中鏡：王曼喜盼女承父業
名模馬詩慧同型男王敏德嘅女兒Kayla王曼喜同Irisa王麗嘉前晚出席時裝品牌活動，Irisa被問及早前被本報獨家拍得佢同一名混血男拖手逛街，更與男方當街嬉戲兼錫錫，懶理在旁嘅「電燈膽」Kayla。問Irisa係咪拍拖？佢大方回應：「係，不過冇一齊啦已經。我依家唔係想要好認真嘅感情，拍散拖玩啫，冇乜所謂。」
王曼喜（左）同王麗嘉緊貼時裝潮流。
王麗嘉唔介意做生招牌
提到父母開公關公司，佢哋話冇喺公關公司幫忙，但就有幫忙爸爸嘅時裝生意。Kayla話：「今日幫佢睇舖，做sales。」問到會唔會做生招牌拍廣告？Irisa笑言：「爸爸叫咪影，睇佢想唔想。」提到爸爸希望將家族生意傳畀佢哋，Kayla直言非常欣賞爸爸嘅苦心，自己亦對時裝感興趣，但Irisa就直言冇興趣做生意。已開辦網上時裝店兩個多月嘅Kayla坦言生意唔錯，但尚未回本。
