SUN焦點：無話送贈 唔還亦算欺詐

還款不代表罪行勾銷

「如果證明到佢係蓄意借錢唔還，有欺詐成分，已經干犯咗刑事罪行，絕對可以報警拉佢。」執業大律師陸偉雄指，即使雙方並無簽下借據，亦不代表事主是自願付錢，法庭判案時會考慮不同因素，如兩人之間的關係、認識日子長短，及雙方財政狀況，「如果雙方識咗唔係好耐，事主又唔係好有錢，當然唔會買好貴嘅嘢送畀對方。」

陸偉雄續稱，即使對方事後願意償還款項，亦都不代表可逃避刑責，「即使事後還錢，罪行都已經發生咗，唔可以當無咗件事。」他表示，欺詐的最高刑罰為監禁十四年，而由於罪行性質嚴重，一旦罪成，法庭一般會判處犯人監禁。