SUN焦點：o靚模軟功氹碌卡 宅男好夢變噩夢
o靚模袁晴晴（Coco）盜竊一案惹來城中關注，坊間就o靚模氹男性友人「碌卡」買禮物一事議論紛紛。案情指，袁與男方見面時，往名店選購二十萬元手袋及首飾，圖令男方以信用卡付款不果，拿走男方手機而判處感化。記者追查發現，不少宅男亦經社交平台或手機交友App認識o靚模，相約外出時同樣被氹「碌卡」購物，有人更是首次約會便被氹付款，損失數千至數萬元不等。社會學家分析指，宅男少接觸異性，遇到女性示好時便會容易受騙。文/圖：專案組
阿志為女方碌卡共約七萬元。
賢仔遭o靚模騙財，稱惟有當買個教訓。
Coco盜竊iPhone 6一案，揭露o靚模送禮文化。（資料圖片）
梁麗儀
阿 志 多多藉口 數目小至大
三十餘歲的阿志（化名），數年前在社交平台認識一名o靚模，他形容雙方一直只是網上世界的朋友。至本年初，女方突然邀請他幫忙籌辦生日會，兩人才首次見面。但生日會期間，突然有女子上門，聲稱該o靚模出售冒牌手袋，要求索取賠償，該o靚模即場向阿志借五千元用作賠償。「當時雖然覺得有可疑，不過我見數目又唔係大，咪借畀佢囉。」
兩人事後仍保持友好關係，直至數月前，對方又約他逛街看電影，期間稱想買禮物給家人，女方買下一部iPhone6、一部Mac電腦、四對限量版波鞋及一頂鴨舌帽。對方又以「同屋企人用聯名戶口，唔畀得佢哋知」為由，叫阿志先用信用卡結帳。
惟這次後，對方卻恍如人間蒸發，直至一次在街頭再巧遇對方，阿志於是上前追數，結果成功再相約女方會面。對方當日稱已帶同空白現金票，又指戶口有二十多萬元，着阿志無需擔心。期間，她再要求男方「碌卡」，稱用現金票一次過還款。他又信以為真，買下名牌化妝品及四部iPhone6，兩次共為女方「碌卡」約七萬元。
「大意」整濕還款支票
未料對方當晚再次「出招」，晚餐期間阿志到餐廳外聽電話，回座位後發現該現金票已經濕透，對方聲稱大意倒瀉飲料，指回家後會再寫現金票予阿志。惟女方回家後卻致電他，說家人不讓她「出夜街」，推說明日還款，自此阿志便與對方失去聯絡。
阿志不諱言，自己單身已有一段日子，「即係咁講，一個男人單身咗咁耐，有個女仔對你咁主動示好，唔好講個樣都會有好感。」他指該o靚己嘅私人嘢，再等你講自己嗰啲」，令他放下戒心，墮入圈套。
賢 仔 代畀5千 人間蒸發
另一名苦主賢仔（化名）是90後，約半年前開始熱衷玩手機交友App，期間認識一名二十餘歲o靚模。雙方在虛擬世界傾談約一周後約會外出。從事飲食業的賢仔形容：「當時對佢都有啲好感，自己又無女朋友，無諗過會畀人呃。」兩人首次逛街，女方便以身上無現金為由，購物時要求他代為付款，對方先後購下兩件衣物及卡通精品，後來又稱要買禮物送予胞弟，再購下波鞋，總計約五千元。
惟事後賢仔無論透過交友程式或是電話，都無法再次聯絡她。他坦言該名o靚模是他唯一一個經交友程式成功邀約出外的女生，不幸被騙惟有當買個教訓，自己亦無信心再在網上結識異性。
少接觸異性 緊張失冷靜
浸會大學社會工作系講師梁麗儀分析，宅男平常較少接觸異性，當遇到女性主動示好，或因緊張而失去冷靜，變得容易受騙，「佢哋會諗，其實都唔係畀好多錢，但就可以同對方關係更進一步，喺博一博嘅心態下都願意借錢，甚至愈借愈多。」她又估計，o靚模與事主認識初期，先建立「有借有還」的形象，以增加對方的信任，方便她日後愈借愈多。
