負責執行推動環保減廢嘅環保署，被發現推動減廢工作虎頭蛇尾，數據錯漏百出。審計報告揭露環保署過去多年竟然計錯數，一直誇大都巿固體廢物量同回收率，又以假設嘅數據令三個堆填區變相「減壽」；推動生產者責任計劃又「歎慢板」，六個計劃中，五個唔能夠如期推行，延誤達六至八年。環境局局長「星星」黃錦星回應「計錯數」時仲死撐，話本港嘅回收統計方法屬國際通用。佢呢種敷衍嘅態度，只會令減廢工程原地踏步。睇嚟，將佢呢件「固體廢物」送去堆填區，先幫到市民。
