般咸道四棵石牆樹早前喺一夜之間被路政署斬掉，惹起社會回響。當局匆匆決定斬樹，惹嚟唔少批評，發展局研究後，決定修訂多項現行《樹木風險評估及管理安排指引》，指如果喺非緊急情況，移除潛在危險嘅敏感樹木，會進行敏感度分析，評估移除樹木會唔會引起公眾反對，惟分析並唔會影響樹木辦嘅「安全為本」決定或者工作進展。發展局局長「波波」陳茂波今次都算吸取教訓，加強市民同相關部門嘅溝通同解釋，但人命關天，最重要都係盡快訂立樹木法，唔好再搵藉口拖延。
