政壇：港大紛擾多 徐立之愁爆

呢排香港大學副校長同校委會主席任命嘅風波沒完沒了，早前有日下晝四點幾鐘，我哋就喺中環ifc遇到港大前校長徐立之，以為佢不在其位，可以比較輕鬆啦，點知見佢企定定喺超級市場門口傾電話，期間卻一臉愁容，有時講得肉緊，仲會用隻手遮住個口，唔知講緊乜嘢秘密呢？徐立之講咗大約十分鐘左右，先至離開商場，但仍然邊講電話，邊步行前往小巴站，上咗一輛往寶珊道嘅專線小巴，坐埋一邊單人位後，繼續雞啄唔斷，直至臨開車前，坐滿人先至收線。