西營盤：食署懶洗街 恐播鼠患
「就算依家過咗夏天，條巷仔都係一大陣味，有啲人又習慣咗喺度掉垃圾，搞到成條巷都好污糟！」西營盤居民李太指出，譚里衞生情況欠佳，有損市容，更擔心惹來鼠蟲，導致病菌傳播，「食環署有喺度放老鼠藥，證明佢哋都知有老鼠喺度搵食，再唔加強清潔，鼠患好易喺呢區擴散！」
西營盤譚里被指衞生欠佳，市民擔心成為病菌溫床。
食物環境衞生署發言人證實，過去一年曾接獲相關投訴，而接獲轉介後亦已派員巡查，期間發現少量家居廢物，遂安排潔淨服務承辦商清理及清洗。發言人同時承諾，會繼續留意有關情況及採取適當行動。
街坊兜路行
李太指目前情況暫見改善，促請食環署履行承諾，有必要時加強清洗，以免市民再受滋擾，「如果條巷仔係乾乾淨淨，我哋就可以直接行過去，唔使再成日兜路行！」
