城中鏡：何紫綸未慣畀人叫林太
本月初剛結婚嘅名模Ann何紫綸，婚後首度出席活動同好友Karl許嘉浩分享美容心得。一到場Karl叫佢「靚林太」時，阿Ann反應不過來，仲直言未習慣被人叫「林太」。
名模何紫綸（左）同許嘉浩老友鬼鬼，佢哋仲賣萌合照。
婚後揚言唔會退出工作嘅阿Ann，除積極為其公司即將推出之女子組合「星座少女」日以繼夜地進行招募面試，希望搵到十二個唔同星座代表唔同性格特徵嘅少女特訓外，仲會進攻國內發展添！
阿Ann話一直對於護膚品成分有研究。既然對護膚甚有心得，咁會唔會推出自家品牌？佢話：「即將推出自家品牌青木瓜酵素排毒面膜同自家香水。」
