SUN搞作:SUN官場現形記:功課多到唔得掂
學童功課多到喊,調查發現小學生每日竟然有七份功課或以上,甚至做到凌晨十二點,變相出現唔夠瞓,家長梗係憂心忡忡,於是搵教育局局長吳得掂傾傾。
家 長:小朋友功課多到喊,你點搞㗎!
吳得掂:想唔想贏在起跑線吖?想就冇得計較咁多。
家 長:佢哋得幾歲人仔,使唔使咁大壓力呀!
吳得掂:做多啲功課,識多啲嘢啫,無壓力嘅。
家 長:弊在咁做法,未識就驚啦,你哋乜都講競爭、競爭,唔競爭唔得㗎咩?
吳得掂:有競爭先有進步,身為家長應該懂的……
家 長:未進步先退步,唔夠瞓,做乜都冇心冇力啦,何來進步呀!
吳得掂:……你諗吓,多做功課,可以從小就適應社會急促嘅節奏,第時乜都掂啦!
家 長:&*##@!!^*#!!!!