學童功課多到喊，調查發現小學生每日竟然有七份功課或以上，甚至做到凌晨十二點，變相出現唔夠瞓，家長梗係憂心忡忡，於是搵教育局局長吳得掂傾傾。

家　長：小朋友功課多到喊，你點搞■！

吳得掂：想唔想贏在起跑線吖？想就冇得計較咁多。

家　長：佢哋得幾歲人仔，使唔使咁大壓力呀！

吳得掂：做多啲功課，識多啲嘢啫，無壓力嘅。

家　長：弊在咁做法，未識就驚啦，你哋乜都講競爭、競爭，唔競爭唔得■咩？

吳得掂：有競爭先有進步，身為家長應該懂的……

家　長：未進步先退步，唔夠瞓，做乜都冇心冇力啦，何來進步呀！

吳得掂：……你諗吓，多做功課，可以從小就適應社會急促嘅節奏，第時乜都掂啦！

家　長：&*##@!!^*&##!!!!

第一手消息請下載on.cc東網iPhone/iPad/Android/Windows Phone Apps