食物及衞生局副局長陳肇始（Sophia）早前健身時整親隻手，驟眼睇似乎係小事，但原來手尾都幾長。日前佢出席一個活動時，隻手都仲包紮住。佢估計，呢個造型可能仲要維持幾個禮拜喎。

陳肇始手患未愈，出席活動都要包實晒。

佢話，受傷之後，依家右手冇力，連簽文件都唔得，打字更加冇力喇，有時仲要叫秘書幫手打電郵添，真係好唔方便。不過，Sophia都好睇得開，仲講笑話依家爭人錢最好，因為可以名正言順欠住先，點解？因為簽支票、轉帳過數等都要簽名吖嘛，而佢手傷咗，簽名簽得唔似，對方會唔收喎！咁都得？

第一手消息請下載on.cc東網iPhone/iPad/Android/Windows Phone Apps