政壇：投行挽尖子 放洋歎世界

第一招係佢哋每兩年晉升一次董事總經理（Managing Director），前日就一口氣升咗四百二十五人，第二招係將減基層員工嘅工作量，減少佢哋做一啲雜務，第三招仲吸引，就係放佢哋去外國浸，只要年輕尖子捱過頭兩年做分析員嘅生活，就有機會派去海外分行「玩」，而且一去就一年，對想多啲見識、多啲嘢學嘅年輕人真係幾吸引噃。

點解高盛出咁多新招？唔講唔知，原來投行嘅尖子人才大把路數，好多人喺入行兩年內就閃人，原因就係無限工時，死捱而唔見前景囉，今次高盛嘅新安排，據講總之你夠尖子嘅話，最快五年半做到VP（Vice-President）級，等尖子個心可以定啲。