政壇：鄭李華熙捉心理 開發中性香水
香水被唔少貪靚女士視為另一層衣服，亦係個人品味嘅一大追求，近年，有唔少潮男都開始對香水趨之若鶩。喺法國投資自家香水品牌嘅仁濟醫院總理鄭李華熙（Winnie）話，過去嘅香水市場一向男女有別，較少人做中性香水，即係男女通用，近幾年已經變咗樣喇。
自家推出嘅中性香水獲男女顧客鍾意，鄭李華熙都好開心。
Winnie話，過去男女使用嘅香水有別，主要係味道大不同，但早幾年佢哋喺法國推出中性香水，結果大受歡迎，仲因而獲獎添！梗係咪因為香水味道好特別呢？Winnie笑笑口話，佢都好鍾意呢隻中性香水味，但就唔係好明點解男士會鍾意喎！咁又係嘅，難怪研究香水嘅專家都要識啲心理學啦！
