印傭護主婆婆封大利是

【本報訊】與湯伯為鄰的陳婆婆，與湯伯是幾十年的好朋友，「晚晚大家出嚟喺條街度乘涼傾偈」，婆婆家人稱會原諒湯伯。至於護主受傷印傭Bibit暱稱「嘉嘉」，於○八年來港，陳婆婆一家是她服務的第四個僱主。陳婆婆在血案中檢回一命，額頭受傷縫七針，婆婆出院後激讚嘉嘉英勇，今次幸得嘉嘉捨命相救，「如果唔係佢擋住我就死咗啦，佢係救命恩人，會封番封大利是畀佢！」

陳婆婆憶述事件稱，事發時湯持斧頭來到家門，不斷用斧頭劈鐵閘。印傭嘉嘉走出客廳查看，見湯已推門入屋，手持斧頭及界刀，全身披血，大驚問：「咩事呀！」湯大喝：「唔關你事，你行開！」然後將嘉嘉推開。陳婆婆稱：「佢逐間房裝裝吓，應該係搵我。」嘉嘉見形勢不妙，立即走入睡房叫醒婆婆，並着她報警求救，「我揸住個電話撳撳吓，都唔知撳咗咩，太驚呀。」她與嘉嘉即匿入睡房，以身體頂住睡房玻璃門，其後玻璃被斧頭劈爛，碎片四濺，又見玻璃門裂縫伸出斧頭，婆婆額頭被斧柄擊傷。

嘉嘉撲前攬緊湯，將他推跌在梳化上，用力壓緊斧頭。陳婆婆趁亂逃出，二人後來逃至村公所求助，始知女書記被斬傷。