西營盤：超窄斜路違泊 危及學童
「條路又窄又斜，啲車仲要夾硬泊上嚟，呢度附近又有幾間學校，好多學生出入，如果發生意外點算！」西營盤居民關先生指靠近薄扶林道的一段水街時有車輛違泊，擔心危害學童安全，「啲車要喺咁窄嘅街掉頭落斜，睇見都牙煙！」
關先生指違泊車輛在狹窄街道掉頭時險象環生。
警方發言人證實過去一年共接獲二十宗相關投訴，並向違例停泊司機發出一百七十張定額罰款告票及一百三十二個口頭警告。發言人又指西區分區一直關注及跟進有關問題，並已在涉事路段加強執法及巡查。
關先生促警方履行承諾，嚴加打擊違例司機，保障途人安全，「口頭警告同牛肉乾比例幾乎一半一半，其實警方可以多啲抄牌，等啲司機知道唔係亂咁泊都會有人畀機會。」
