城中鏡：JM完美婚禮夢 珠寶嫁衣DIY
藝人JM文詠珊尋日出席活動時，戴上價值逾三百萬元嘅鑽飾示人，仲話好名貴，行每一步都好小心！問佢自己有冇咁貴o既首飾？佢話：「要畀心機做o野先，之前買過最貴係卡半o既耳環，六位數字。唔可以叫男友送，因為心意唔係睇價值幾多位數字，而且太名貴，唔可以亂收。」
文詠珊戴上名貴嘅鑽飾，話行每一步都要好小心。
佢本身對珠寶設計興趣甚大，又話：「有好多朋友結婚係自己設計珠寶，好有意義。如果我有時間，我都想為自己嘅婚禮設計珠寶，甚至嫁衣都自己design，因為我都幾完美主義，想有個dream wedding。」繼而佢透露身邊唔少好友已脫離單身行列，早前更旅行，參加好姊妹嘅告別單身派對。咁幾時輪到佢？佢坦言三十歲後，自言係工作狂嘅佢，希望先努力工作，一切順其自然。
另外，談及台灣近日爆出跨國賣淫集團案，JM聞言即說：「我知你o地一定問我有冇畀人問過價，哈哈！不過我入行咁耐，真係未試過，係我唔夠吸引，定難接觸？」至於有冇被邀飯局？佢話：「正常客戶食飯一定有，不過我係宅女，好少出街食飯，如果有，我經理人會話我知嘛！」
