政壇：至叻星：乘車優惠遭濫用　運署放蛇遏歪風

政府由一二年起，為六十五歲或以上長者同殘疾人士提供「兩元乘車」優惠，分階段喺唔同交通工具實施。但不時爆出有人濫用優惠導致公帑損失，政府年度開支就高達九億元。有見及此，運輸署出招打擊歪風，指會定期委託獨立顧問公司調查員「放蛇」做調查，而有關人員亦可主動要求司機查閱使用優惠嘅乘客身份證明文件，確保公帑用得其所。運輸署署長楊何蓓茵呢招無疑能起阻嚇作用，避免惠民政策遭濫用，但係同時有司機憂慮加強查驗證件，可能會帶來爭拗同影響行車效率，楊何蓓茵真係要好好諗計，以免好事變成擾民嘅措施，得不償失。