筲箕灣：食署寫錯字 死撐無問題
「個成語係解唔知道個人嘅『結局』或者『下落』，而唔係唔知個人嘅『蹤迹』去咗邊，所以應該係『終』而唔係『蹤』！」退休教師李先生早前行經筲箕灣愛秩序灣街市卸貨區，發現食環署的公告中誤寫別字，擔心誤導大眾，造成積非成是，「官方通告都係咁寫，其他人又信以為真，到時咪人人一齊寫錯字？」
食環署於愛秩序灣街市卸貨區的告示，誤將不知所終，寫成不知所「蹤」。
記者向食物環境衞生署查詢，發言人最初口頭回覆，指有關告示並無出錯，反着記者自行尋找資料印證。其後才透過書面回覆，指經轉介後，已更換新修訂的告示，惟之前未有接獲相關投訴。
李先生直言對食環署處事態度感到匪夷所思，認為署方一開始不但未有從善如流，反在未經求證下即堅稱無問題，「件事唔係寫錯隻字咁簡單，而係同你（食環署）講明個問題喺邊度，你查都唔查就話係自己啱晒，完全唔重視市民意見。」
