政壇：馬清揚管唔到囝囝拍拖
東華三院總理馬清揚尋日出席秋祭典禮活動，佢話前晚萬聖節冇同仔女慶祝，因為囝囝要飛返英國升學。
馬清揚話兩公婆經常飛去英國探仔。
問到下月聖誕節會唔會一齊度過？馬清揚話囝囝會喺英國返港：「到時會一家人去旅行，我哋每年都會去日本滑雪，今年都唔例外。」追問囝囝拍拖未？佢話：「佢讀男校喎，唔知啊，佢唔同我哋講，亦都唔知佢有冇同媽咪講，呢啲管唔到，而且拍拖都正常嘅。」佢又透露囝囝正考慮喺英國或到美國升讀大學，有意修讀商科，至於大學畢業後，會唔會返港工作，佢話以囝囝意願行先，又話：「如果冇意願嘅話，就繼續讀住書先，讀多啲書好啊！」
