【本報訊】 五十三歲謝偉聰從事的士司機三十多年，今年七月起，他向車行租用新款、較大型的石油氣「豪華的士」，成本雖微升，但生意額同時大增兩至三成，認為反映市場需求，政府應研究措施，引入更多類型的士。

謝偉聰指駕駛較大型石油氣的士後，每月生意額大增兩至三成。

謝解釋生意上升，主要因為「機場客」增加，「個車尾箱體積大咗，擺到七至八件行李，多過普通的士擺得三至四件，有客喺街見到我架的士上印住個電話，直接打嚟問可唔可以預約去機場。」長者亦是新的士另一個重要客源，「車籠高啲，方便老人家唔使踎低上落車。」生意升，經營成本同時上升。謝指因「豪華的士」日租約六百九十元，較普通的士貴約半成，且由於其馬力較普通的士大，汽缸容量有二千五百c.c.，入氣成本因而增約兩成。不過他指其所屬車行購入兩部同款的士不愁沒租客，「增加咗嘅生意額抵銷番多出嘅成本，依家日日都有司機租，仲有人排緊隊。」他亦表示會繼續租用。

第一手消息請下載on.cc東網iPhone/iPad/Android/Windows Phone Apps