齊昕白面喪屍Look 化妝師讚夠驚嚇
【本報訊】 梁齊昕前晚悉心打扮一個白面喪屍造型慶萬聖節，著名化妝師Gary Chung和形象指導張學潤各自品評，前者讚，後者認為算合格。Gary讚齊昕的妝容既驚嚇又時尚，他說：「I like wor！好有喪屍feel，真係夠驚嚇，同埋手工好精細，指甲都襯得好型，將喪屍造型混合時裝元素，good！我覺得佢喺社交平台連鋪相都鋪得好投入，值得一讚o架！」
著名化妝師Gary Chung
張學潤則認為，此造型早前在網上已有人教授化妝技巧，所以前晚特別多人扮喪屍，故顯得不太特別，但認為齊昕的妝扮算是合格，並說「佢個妝合格，睇得出落咗心機去化，只係粉底欠均勻，搞到塊面一撻撻，唔知係化得唔勻定係個妝溶咗，同埋佢唔記得搽白對手，應該要搽埋白粉底喺雙手，造型就會整體啲，而髮型方面亦未夠瘋狂，如果可以再亂啲，會更加驚嚇，喪屍妝要化咗完全唔認得係邊個先成功，不過人人都認得係佢，唔算係最出色。」
