美酒佳餚巡禮已經開咗幕，唔少識飲識食嘅市民都入場品嘗美酒，日前，我哋喺現場見到「頭箍小姐」財經事務及庫務局前常任秘書長區璟智及其丈夫，佢哋都齊齊去趁熱鬧，不過，區璟智話，佢唔係好識品酒，入場係要支持旅遊業喎。

區璟智同丈夫撐美酒佳餚巡禮嘅場，話要身體力行支持旅遊業盛事。

美酒佳餚巡禮人頭湧湧。

佢笑笑口話，以前做過旅遊專員，難得有咁好氣氛嘅盛事，梗要支持啦！佢仲話，呢類盛事應該首先吸引多啲本地人參與，旺場後自然令外地遊客慕名而至，好似巴西嘉年華咁。

第一手消息請下載on.cc東網iPhone/iPad/Android/Windows Phone Apps