香港人熱衷追求名牌，本地潮流界更對國際時裝走勢好敏感，最近超級品牌Christian Dior宣布，品牌創意總監Raf Simons因為個人因素而辭職，三年半合作關係終結，時裝界熱談影響，有人驚訝，有人覺得可惜，本地著名形象指導郭慶彬就好唔捨得，佢話：「佢本身既風格同品牌好唔同，但難得依家愈嚟愈多人接受佢嘅設計，對佢離職真係覺得愕然同接受唔到。」

曾經睇過其告別作嘅名媛馬錢慧儀就唔感意外，佢解釋：「我好熟悉佢嘅背景，佢雖然好有天分，但佢唔擅長繪圖，法文又唔係太好，唔能夠好直接咁話畀人聽佢嘅設計方向，好難將佢嘅空想變成作品，喺巴黎好難立足，我覺得佢走都係遲早嘅事。」

第一手消息請下載on.cc東網iPhone/iPad/Android/Windows Phone Apps