政壇：至叻星：「中港大戰」升溫 梁孔德高招應變

世界盃外圍賽第二輪「中港大戰」將於下月十七日喺香港旺角場舉行，而針對近年中港矛盾升溫同球賽「噓國歌」風波，香港足球總會決定採取多項措施，嚴防兩地球迷衝突，包括球迷購票時須出示或登記身份證、進場後分隔兩地球迷，甚至連廁所都分中港。足總強調佢哋絕非引入內地購票「實名制」，只係想確保本港球迷能購得應有數量嘅門票。足總主席梁孔德呢招可謂高明，既可減少兩地球迷摩擦，亦對有意滋事者起警告作用，但係咪真係做到維持秩序嘅效果，都要視乎足總嘅臨場應變，咪愈搞愈喎先好！