政壇：亂問夏千福 李漢奸一鼻灰
國家主席習近平接連訪問英美兩國，備受各界關注，一向被指「唱衰香港」嘅「李漢奸」白鴿黨創黨主席李柱銘同「民主阿婆」政務司前司長陳方安生，又點會甘於寂寞呢？尋日兩人齊齊出席由民主促進會主辦嘅午餐會，據聞同美國駐港總領事夏千福討論對於一國兩制、高度自治同埋經濟發展嘅睇法。夏千福對於李漢奸有關一帶一路嘅提問，只係敷衍回答，並喺席間多次提及要尊重北京，李漢奸真係碰一鼻子灰！
夏千福（右）出席民主促進會午餐會演講。
李柱銘（左圖）及陳方安生（右圖）前後腳現身午餐會。
冷淡回應一帶一路問題
據了解，夏千福喺會上就香港同美國關係發表講話，同時接受在場人士提問。對於佔領行動嘅睇法，夏千福認為係香港內部事務，拒絕作出評價，但佢喺佔領行動中，感受到市民同政府同時面對壓力。對於李漢奸問美國有無興趣參與「一帶一路」發展，同時會唔會邀請香港加入跨太平洋夥伴關係協定（TPP），夏千福就話香港作為獨立經濟體，係咪加入TPP影響唔大；至於會唔會參與一帶一路，就要交由中國方面決定喎。
其實老美早已決定唔加入亞投行，李漢奸連「主人」旨意都唔清楚，仲胡亂問長問短，難怪碰一鼻子灰。李漢奸同民主阿婆之前去英、美「唱衰香港」已被冷待，如今李漢奸又被敷衍，真是自己丟架。
