SUN搞作:SUN官場現形記:煩「腦」多多
醫管局資訊科技部門提早將電腦瀏覽器升級,令該局自行研發的多個臨床服務電腦軟件無法相容,逾萬部電腦受影響,醫管局行政總裁賢賢急忙同下屬商討對策。
賢賢︰犯埋呢啲低級錯誤,點解決?
下屬︰升級囉!
賢賢︰仲講升級?就係因為提早升級先出事。
下屬︰又係你話低級錯誤,咪諗住升級變高級……
賢賢︰咁仲衰,錯誤變高級,咁有乜嘢用?
下屬︰錯誤層次有提升,或者唔使畀人鬧呢!
賢賢︰真係靠你都唔得掂,算喇,我哋回歸原始,唔用電腦就唔會出事喇!
下屬︰好計!完全「冇腦」,真係我哋先做得出!