政壇：送部手機救番雷軍條命

內地互聯網及電子商貿產業急劇發展，業內有五大知名度超高嘅好手，佢哋就係阿里巴巴嘅馬雲、騰訊嘅馬化騰、京東嘅劉強東、小米嘅雷軍同百度嘅李彥宏。早前，李彥宏出席一個活動，畀一個老土問題問到，揭發原來雷軍好識做人，所以李彥宏都希望投桃報李。

李彥宏

事緣擔任百度CEO嘅李彥宏早排出席央視節目《開講啦》，節目中有條老土問題，條問題係：若馬雲、馬化騰、劉強東、雷軍四人同時跌落水，佢只能救一個，佢會救邊個喎？現場嘅觀察係，李彥宏一聽個問題，扭擰咗四秒，之後就講咗「我會救雷軍」呢幾個字。

有答案，梗係會被追問理由？結果李彥宏嘅答案好得意，原來雷軍最近送咗部小米手機畀佢，所以李彥宏咪喺四個落水嘅中年中揀咗佢囉。

不過，唔使擔心佢係因為個答案得罪人，大家都知係玩嘅，太認真，真係唔需要喎。