十年樹木，百年樹人，教育確係最值得支持的事業。香港中文大學早前為和聲書院舉辦籌款晚宴，一眾熱心教育嘅名人齊齊施展渾身解數，有人大跳熱情拉丁舞，有人彈結他唱英文冧歌，氣氛好熱鬧。另一邊廂，香港傑出青年協會早前帶一班學生到北京交流，返港後舉辦分享會及晚宴，一班唔同年代的傑青聚首一堂。講起社會及環境議題，特別有火花。

升溫
前「滙豐一姐」王以智（前）拉丁舞技精湛，與舞伴嘅表演熱情如火，令現場氣氛升溫。

忘形
馬會副主席周永健（左一）、港大校務委員會主席梁智鴻（右二）及太子珠寶鐘錶主席鄧鉅明（右一）忘形夾Band，獻唱經典英文歌。

現身
港鐵候任主席馬時亨（右）與太太馬王培琪齊現身欣賞好友表演。

傾聽
藝術發展局主席王英偉（左）與太太平時聽得個仔王梓軒唱歌多，呢晚轉聽老友嘅歌聲。

支持
中大副校長霍泰輝（右）同罕有現身嘅太太出席支持籌款宴。

交流
醫生曾詠恆（左起）、香港鐘表業總會前主席高鼎國及設計師余嫿，三位傑青交流不同行業心得。

獨特
傑青協會主席甄韋喬（右）話，套西裝係由身旁傑青兼時裝設計師丘雪祺所設計。

關心
曾獲傑青嘅香港龍舟代表隊前成員鍾志樂（左起）、視藝科教師張寶雯及傑青會副主席姜炳耀對社會環境議題非常關心。

第一手消息請下載on.cc東網iPhone/iPad/Android/Windows Phone Apps