劣客種類五花八門，有人屈錢有人走數，有旺區食店一年遭遇六、七單走數事件，多數為扮出店外搵人，或是扮去廁所，然後從後門離去。有食肆老闆表示，食客走數難以應付，只好當作是好心幫人；亦有店東指不會姑息走數食客，會以閉路電視片段自保。

飲食業界人士建議同行，可以翻查閉路電視片段查清糾紛。

梁文韜形容，食客走數在飲食界並不罕見。

裝天眼自保

「通常幾個人嚟，食完就一個個先去廁所，再直接走出店面，等啲職員唔為意佢哋仲未畀錢。」大榮華酒樓董事總經理梁文韜形容，食客走數在飲食界並不罕見，年中都最少有三、四宗食客偷走，但是店家只能無奈對待，「都冇咩可以做，當佢哋好窮，無錢食飯，做好心幫吓人。」

為防止食客屈錢，豚王拉麵董事總經理鄧振豪指出，會長開閉路電視自保，「打開門做生意，唔擔心得咁多，不過店舖裝設有閉路電視，如果遇上食客投訴，職員會先叫佢留低聯絡方法，再翻查影帶睇吓係咪真有其事，都算係保障自己方法之一。」

第一手消息請下載on.cc東網iPhone/iPad/Android/Windows Phone Apps