唔少人細個做唔到嘅事，都會寄望啲仔女幫佢哋達成夢想。鄉議局主席劉業強（Kenneth）嘅太太劉葉愛愛都唔例外，佢個大女今年已經十六歲，依家喺英國讀書，差唔多要諗吓大學讀咩專業。佢透露囡囡暫時仲未問佢意見，但如果問到，佢就一定會建議囡囡讀法律。

劉太解釋，自己細個都好想讀法律做律師，但最後走咗去讀金融，所以如果囡囡問到佢，會建議讀法律，但最後決定權都喺個女度。問佢囡囡依家拍拖未？劉太就話未有，並強調佢同仔女關係好親密，如果有嘅話佢一定知道，又大爆Kenneth同啲仔女嘅關係冇佢咁親密。

第一手消息請下載on.cc東網iPhone/iPad/Android/Windows Phone Apps