港鐵嚴打交收客，成為網民討論焦點，有指港鐵職員做法正確，也有指在港鐵站交收貨品無違規，另有網民留言稱不知在港鐵範圍交收，會觸犯港鐵附例，「幫朋友買嘢唔得咩？」也有指「在港鐵站交收，可以被拘販賣，不過，無錢銀交易就ok，所以小心為上。」亦有網民批評港鐵不正視水貨客問題，反而嚴打小市民，「走水貨嗰啲又唔捉。」

但亦有網民留言撐港鐵，認為港鐵車站範圍，由港鐵管理，故港鐵職員要維持車站秩序，無可厚非，也沒有問題，「你去人哋嘅地方，梗係要守人哋規矩。」「班交收客成日一袋二袋阻住條路，搞到我冇路好行，應該捉晒佢哋啦！」有網民直言住在旺角附近，在數月前，每晚收工經過旺角站，看見很多人在大堂交收，情況令人咋舌，如果職員不執法，問題只會更嚴重。

第一手消息請下載on.cc東網iPhone/iPad/Android/Windows Phone Apps