城中鏡：林煒珊孖吳君麗行善
名媛Vanessa林煒珊前晚以仁濟醫院主席身份出席慈善粵劇粵曲晚會，佢透露今次係為仁濟教育服務基金籌募經費，請咗唔少粵劇大老倌表演，更邀請到前輩吳君麗擔任藝術顧問。Vanessa笑言對粵劇嘅認識唔深，又話：「細個都有睇過《帝女花》，但係未有興趣去學粵劇亦未識欣賞，而且好難可學到，因好少機會可以接觸。」
林煒珊（中）邀請前輩吳君麗（左）任慈善粵劇晚會藝術顧問。
另外，Vanessa透露十月至十二月係仁濟最忙於搞籌款活動嘅月份，除咗搞步行籌款之外，亦會喺電視台舉行籌款節目。其實Vanessa經常帶同五歲大嘅囡囡一齊行善，佢話：「本身想帶埋佢嚟，但怕佢太嘈會影響大老倌！」
