政壇：至叻星：啟德須自負盈虧 區潔英封蝕本門

政府冀將舊啟德機場跑道末端同觀塘海濱等地發展成一個旅遊、娛樂同休閒兼備嘅中樞，呢個計劃終於唔再係天方夜譚、空中樓閣嘞！早前發展局就佔地近六公頃嘅「飛躍啟德」計劃接受發展商意向書，當中規定五成半土地要作商業用途，餘下四成土地就發展電影院等娛樂用途，預計一七年底批出土地，最快二二年落成。起動九龍東辦事處專員區潔英仲先旨聲明，中標發展商須自負盈虧，故先須評估整體收支。呢招表面上係封咗蝕本門，但有人擔心用地太偏重商業化，望區潔英平衡高檔次同平民元素，千祈咪偏聽。