銅鑼灣：違泊霸兩線 市民憂安全
「明明好大個牌話禁止停車，但啲司機都照樣泊，塞住晒後面啲車，有時仲停正喺馬路中間上落貨，真係好牙煙！」在銅鑼灣工作的王先生指，駱克道違例泊車問題嚴重，車輛有時更會多得霸佔兩條行車線，亦不時有人停車上落貨，不滿阻塞交通，亦擔心會容易發生意外。
銅鑼灣駱克道違例泊車問題嚴重，車輛有時更會霸佔兩條行車線。
警方發言人表示，一直關注區內的交通違例事項，並按情況向違例者採取適當的執法行動，以保持道路安全和交通暢順，以及平衡各道路使用者的權益。今年一月至今，警方在上址共發出二百八十七張定額罰款告票予違例停泊車輛的司機。
「唔夠一年就抄咗差唔多三百張牛肉乾，證明違泊犀利啦，為咗保障市民，希望再諗吓其他改善措施或者增加罰款！」王先生認為上址違泊持續，警方在執法方面有改善空間，建議盡快檢討，以免有不幸事件發生。
