香港時裝設計師丘雪祺早前獲香港貿發局邀請赴印尼雅加達宣傳香港設計，佢以印尼傳統布料，融入自己獨特嘅構思，設計出一套融合香港同印尼特色嘅晚裝，由前港姐邵珮詩演繹，艷壓全場。

丘雪祺（左）、邵珮詩（中）同朱玲玲早前同赴印尼宣傳香港設計。

丘雪祺話：「第一次採用印尼布料Batik做衫，由揀布到做衫，用咗三個月時間，係高級訂造同印尼傳統布料一次crossover，邵珮詩演繹得好好，行出嚟好有自信。」問佢設計有冇難度？佢話：「布料好濃厚傳統色彩，我將佢改頭換面，將佢做到好唔同，加入喱士和雪紡，唔同布料會有新鮮碰撞，出嚟效果好多人讚，覺得好時尚，個個都同我影相。」

同行仲有最美麗港姐朱玲玲，大家亦有合照留念呢！首次到雅加達嘅佢大讚當地人友善，此行仲認識唔少朋友。貿發局今次仲邀請咗兩位米芝蓮大廚隨團出發，為各人炮製一頓米芝蓮美食，令佢飽嘗口腹之欲。

第一手消息請下載on.cc東網iPhone/iPad/Android/Windows Phone Apps