政壇：郭慶彬恨做花美男
原來唔係淨係女士喜歡花，身為男士嘅星級形象指導郭慶彬，亦係惜花之人。早前佢獲某廣場邀請，為鮮花裝飾藝術拍攝造型照，穿着西裝戴上黑超嘅佢企喺當中，難道演繹花美男？佢笑住話：「我都希望做到花美男，但唔係。」佢話自己真係好喜歡插花，有空閒就會去花墟買花返屋企，佢覺得花束能令屋內增添生氣，所以除咗節日必定買花外，平日亦會親自插花。
郭慶彬早前獲某廣場邀請，為鮮花裝飾藝術拍攝造型照。
郭慶彬又話：「認識一個女強人朋友，佢把口就話唔鍾意收花，但收到花又會放上社交網同人分享，暗地裏好開心，女強人都有女性溫柔一面。」追問佢有冇收過花？佢話：「之前做形象，真係有人送花畀我，嗰刻我都『吓』咗聲，覺得有啲奇怪，但都開心o架！」
