政壇：波波行山 遇「星」撞「鬼」

雖然農曆七月「鬼節」已過，發展局局長「波波」陳茂波尋日行山都撞「鬼」，不過此「鬼」不同彼「鬼」，其實係宣傳惜食運動、減少浪費嘅「大嘥鬼」。話說環境局局長「星星」黃錦星尋日帶同「大嘥鬼」去大東山行山，鼓勵行山人士喺行山後，將自己嘅垃圾帶走，以保持環境清潔。星星除咗同行山人士一齊開餐，仲落手落腳執垃圾，據知山上最多嘅係廁紙同蕉皮，而事有湊巧，星星喺行山期間撞到波波，兩人聯同「大嘥鬼」一齊合照，究竟係咁啱撞到，定約埋一齊行山，真係只有佢哋兩個至知喇！