誰明老師心：資訊科技教學再解毒（二之一）

朋友A：「我做得最多係上堂睇資料討論寫結果，跟住播番出嚟畀其他學生睇，但同我喺黑板貼大字報、用高影機播討論工作紙冇乜分別。」

朋友B：「我試過用嚟做問卷調查，即時睇番結果同數據，但其實舉手投票點人數都做到同樣效果，所謂『即時』唔會快過點人數好多。」

朋友C：「我覺得政府畀我哋個感覺係，用電子教學就會好互動，學生就唔會死板咁坐喺度。為咗要遷就電子教學，設計教案時夾硬要諗邊部分用iPad，個task做幾耐等等，再加埋為咗嗰一part做特定電子格式嘅教材、仲要去book機等等，令備課時間長咗四、五倍，咁樣有冇必要呢？」

「但係買咗部iPad返嚟唔通唔用咩？點都要夾硬用啦。」ABC不約而同說，更笑說自己用這種教學方式用得好委屈。但他們也坦言，資訊科技教學也有幫得上忙的時候，只是不一定是現在當局理解及提倡的那種方式，下周跟大家分享一些成功的經驗。