SUN搞作：SUN官場現形記：天生我材必有用
消防處先遣急救員上陣兒戲，一宗個案驚現四個明顯失誤，將市民性命較飛，李衞於是搵消防處處長軒軒問責。
李衞：先遣急救員雞手鴨腳，點樣救人呀？
軒軒：冇問題嘅，係有少少失誤啫。
李衞：弊在連固定傷者頭頸都冇，就將佢翻身，隨時加重傷勢！
軒軒：……一時唔記得啫，下次唔會啦！
李衞：做嘢做到半桶水，不如畀番救護員做，你哋咪獻醜啦！
軒軒：唔得，我哋有我哋嘅作用嘅……
李衞：睇唔出有咩作用喎！
軒軒：先遣急救員唔救得，至少都睇得吖，傷者見到我哋個心都定啲，冇咁驚嘛！
李衞：我見到你就驚呀！唉！
