鄔滿海
中秋節係人月兩團圓嘅好日子，房屋協會主席鄔滿海日前出席一個活動，傾起過中秋，佢話除咗希望見到兩個仔返屋企陪佢慶祝，最想見到佢哋帶埋個女友喎。原來佢兩個仔都已年過三十，但至今尚未成家立室，難怪佢心急喇。
咁佢哋拍拖未呢？鄔滿海直言自己都唔知道，話呢啲事佢哋未必會同佢講，希望兩個仔「努力吓」。每逢中秋，應下節都會食月餅，但鄔滿海話佢淨係敢食少少，怕膽固醇高喎！出席同一活動嘅工聯會理事長吳秋北就話，今年中秋會帶埋太太同三個小朋友，一齊返爺爺嫲嫲屋企過節，仲好期待嗰晚會食到傳統福建菜，例如煎蠔仔餅咁。
第一手消息請下載on.cc東網
