旺角：彌敦道路牌損壞危害途人
「嗰次帶個外國朋友嚟旺角，發現個路牌屈埋咗，唔知係咩原因搞成咁，不過我哋覺得好醜樣，加上旺角咁多人行，成個路牌甩落嚟好易有意外！」劉先生表示，旺角彌敦道近奶路臣街有路牌損壞，影響市容，亦擔心因日久失修，隨時塌下傷及途人。
彌敦道行人熙來攘往，路牌損壞易釀意外。
路政署發言人表示，該署接獲轉介後即時派員視察，發現上址有關路牌有損毀，懷疑曾被碰撞，隨即安排承建商維修，而工程亦已完成。發言人強調如發現路面或道路設施破損，會適時安排維修以保障道路使用者安全。
「路牌用得耐梗係有損耗，希望相關部門定時檢查！」劉先生認為路政署應主動定時檢查及維修路牌，確保途人安全。
