SUN焦點：三大焦慮原因 塞爆袋求安心

隨時隨地要補妝

「手袋裝得愈多嘢，代表住嗰位女士冇安全感，仲有少許焦慮。」臨床心理學家葉妙妍表示，不少女士手袋盛載太多東西，都是源於「唔怕一萬，至怕萬一」的心態，當中或會涉及過去負面的經驗，「頭痛嗰時搵唔到藥食，手污糟又冇紙巾，慢慢就變成謹慎派。」

精神科專科醫生丁錫全解釋，女士可能因三個原因而令手袋存放過多用品，第一對外貌焦慮，「會帶好多化妝品出街，隨時要補妝，擔心其他人會對佢外貌有意見。」第二對腸胃焦慮，故會帶多件衣物，更會帶藥物等傍身；第三是有潔癖，帶備消毒酒精、大量紙巾等，「呢啲情況都係患有強迫症或焦慮症嘅徵兆。」