城中鏡：鄺美雲「三爺孫」做義工
眾所周知，Cally鄺美雲經常做義工，尋日佢就出席懲教所舉辦首次「寵物美容及店務助理證書課程」嘅結業禮時，更帶同三隻愛犬Cash、Euro以及Bank到場擔任義工，希望透過分享同埋教授課程，從中灌輸正確嘅觀念畀在囚人士。
在囚人士幫鄺美雲愛犬美容。
Cally話「三爺孫」過往曾到過唔同嘅地方做探訪，其中以「爺爺」Cash最有經驗，Cally話：「Cash半歲開始就做義工，已經做咗十二年，同Euro一樣都係動物醫生，而Bank暫時只係去過兩次老人院，經驗唔多，所以今日吠咗幾下，過埋中秋就夠一歲，會再訓練佢！」
