城中鏡：趙海珠笑手機黑客傻

近排發生好多騙案，騙徒嘅手法層出不窮，無孔不入，稍有不慎好容易就中招，必須加以提防。好似前無綫新聞主播Alison趙海珠前晚出席頒獎典禮時，自爆近日手機其中一個免費通話程式被黑客入侵，個黑客不停向佢一班朋友埋手，要求購買點數卡，好彩冇朋友上當，佢話：「我本身冇乜用呢個通話程式，有好多朋友短訊同打電話向我求證，係咪我本人，覺得個騙徒好傻，同每一個人打同一段說話，之後我朋友玩佢，話要抽佣，個騙徒就講粗口。」