東平洲自一一年起成為世界地質公園，作為香港一個著名景點，一直吸引外地遊客前嚟遊覽。而喺東平洲居民反對同被指缺乏地區參與嘅批評聲音下，日本召開嘅世界地質公園年會，早前公布東平洲「續牌」成功，環境局局長「星星」黃錦星都算執番身彩。但呢件事就揭發咗政府處事官僚，以客量唔多為由，拒絕東平洲居民嘅訴求，令到島上幾十年嚟，一直缺水缺電，影響居民生活。星星講到點好聽都冇用，必須諗辦法改善島上居民生活，如果唔係，隨時官逼民反！
